२०८१ मङि्सर १० गते सोमबार
कञ्चनपुरको बेलौरीमा डेङ्गी रोगको संक्रमणका कारण एक युवाको ज्यान गएको छ । बेलौरी नगरपालिका वडा नम्बर ८ पचुइ स्थित स्कुल टोलमा बस्ने २८ बर्षीय हिक्मत खत्रीको डेङ्गीबाट संक्रमित भई ज्यान गएको पारिवारिक स्रोतले जनाएको छ । अत्यधिक ज्वरो आएपछि धनगढी स्थित नोभा अस्पतालका लगिएका खत्रीको उपचारकै क्रममा गएराति मृत्यु भएको बताइएको छ । खत्रीका एक श्रीमती र दुई छोरा रहेका छन् । उनी बेलाबेलामा भारतमा गई रोजगारी गर्दै आएका थिए । उनी एक हप्ता अगाडि मात्रै घर फर्किएका थिए । भारतबाटै डेङ्गी संक्रमित भए वा घर फर्किएपछि भन्ने विषयमा खुल्न नसकेको सोही ठाउँ बस्ने तीर्थराज बोहराको भनाइ छ । उक्त क्षेत्रमा तत्काल डेङ्गी रोग नियन्त्रणको लागि लामखुट्टेका फुल नष्ट गर्न स्प्रे गरी सहयोग गरिदिन स्थानीय सरकारलाई अनुरोध गरिएको छ । सो क्षेत्रका युवाहरू सरसफाइ र जनचेतना अभिवृद्धिमा पनि लागेका छन् । उक्त घटनालाई गम्भीर रूपमा लिई सबैले सतर्कता अपनाउनु पर्ने सोही ठाउँ बस्ने बेलौरी नगरपालिकाका कर्मचारी अशोक पाण्डेयको भनाइ छ ।
मूल्य : रु. भिमदत्त २ खाेल्टिमा घरेडि बिक्रि
ठाउँ : भिमदत्त २ खाेल्टि नजिक १८५००००/-
थप जानकारी >>
मूल्य : रु. भिमदत्त ५ बनगाउमा घडेरि बिक्रिमा
ठाउँ : भिमदत्त ५ बनगाउ कंचनपुर
थप जानकारी >>
प्रतिक्रिया