एसिया कप–२०२३ मा भारत र पाकिस्तानबीचको खेल वर्षाका कारण रद्द भएको छ । शनिबार श्रीलंकाको क्यान्डीस्थित पालेकेले अन्तर्राष्ट्रिय रंगशालामा पहिलो इनिङपछि लगातार वर्षा हुँदा खेल रद्द गरिएको हो ।
खेल रद्द हुँदा दुवै टिमले समान एक अंक पाएका छन् । योसँगै पाकिस्तान प्रतियोगिताको अन्तिम चारमा प्रवेश गर्ने पहिलो टिम समेत बनेको छ ।
पाकिस्तानले प्रतियोगिताको उद्घाटन खेलमा नेपालमाथि २३८ रनको फराकिलो जित निकालेको थियो । भारतको भने यो पहिलो खेल थियो ।
पाकिस्तानसँगको नतिजाले अन्तिम चारमा प्रवेशका लागि भारतले अब नेपाललाई हराउनैपर्ने समीकरण बनेको छ । भारतविरुद्ध विजयी भए नेपाल अन्तिम चारमा प्रवेश गर्नेछ । नेपाल र भारतबीचको खेल आउँदो सोमबार पालेकेले रंगशालामा नै हुनेछ ।
शनिबार टस जितेर ब्याटिङ थालेको भारतले ४८.५ ओभरमा सबै विकेट गुमाएर २६६ रन बनाएको थियो ।
भारतका हार्दिक पन्ड्याले ८७ रन बनाए । भारत ६६–४ को नाजुक अवस्थामा रहँदा ब्याटिङका लागि आएका पन्डयाले इशान किसनसँग १३८ रनको साझेदारी गरेका थिए । किसनले ८२ रन जोडे ।
श्रेयस ऐयर र रवीन्द्र जडेजाले समान १४ रन बनाए । जसप्रीत बुमराहले १६, कप्तान रोहित शर्माले ११ र शुभमन गिलले १० रनको योगदान गरे ।
पाकिस्तानका साहिन साह अफ्रिदीले चार विकेट लिए । १० ओभर बलिङ गरेका उनले दुई मेडन राख्दै ३५ रन खर्चिए । ह्यारिस रौफ र नसिम साहले समान तीन विकेट लिए ।
मूल्य : रु. भीमदत्त नगरपालिका वडा २ उल्टाखामा पाँचकट्टा ३ धुर जग्गा बिक्रीमा
ठाउँ : भीमदत्त नगरपालिका वडा २ उल्टाखाम
थप जानकारी >>
मूल्य : रु. भिमदत्त २ खाेल्टिमा घरेडि बिक्रि
ठाउँ : भिमदत्त २ खाेल्टि नजिक १८५००००/-
थप जानकारी >>
प्रतिक्रिया