गमगढिमा भिषण आगलागी घरहरु जलेर नष्ट ।

महेन्द्रनगर

२०८० असोज ०६ गते शनिबार

मुगु जिल्लाको सदरमुकाम गमगढी बजारमा भीषण आगलागी भएको छ । मुगुको छायाँनाथ रारा नगरपालिका वडा नं. २ मा पर्ने गमगढी बजारको कालीकामालीका मन्दिरको पश्चिमी क्षेत्रतिर शुक्रबार रातीबाट आगलागी हुँदा आठ घर जलेर नष्ट भएका छन् ।

जिल्ला प्रहरी कार्यालयको जानकारी अनुसार उक्त आगलागीबाट तार्के लामा, सोनाम लामा, जंग बहादुर ऐडी, सान्तोना खत्री, पन्च सेजुवाल, प्रदीप रावल, पुतली शाही र पद्मराज मल्लको घर जलेका हुन् । स्थानीय चुम्म बुढाका अनुसार उक्त घरका सटरहरूमा रहेको व्यापारिक मालसामानहरूका साथै घरका अन्य माल सामान गरी करोडौँको क्षति हुन सक्ने अनुमान गरिएको छ । आगो नियन्त्रणका लागि नेपाल प्रहरी, सशस्त्र प्रहरी, नेपाली सेना, नगर प्रहरी र स्थानीय बासिन्दाहरू खटिएका थिए ।

आगो के कसरी लाग्यो हो भन्ने कुराको जानकारी प्राप्त हुन सकेको छैन भने क्षतिको यकिन विवरण आउन बाँकिनै रहेको प्रहरीले जनाएकोछ । रातिको समयमा आगलागी भए पनि मानविय क्षति नभएको तथा हाल आगलागी नियन्त्रणमा आइसकेको छ । आगलागी पीडितहरुको रहातकोलागि तत्काल व्यावस्था छायानाथ रारा नगरपालिकाबाट गर्ने र अन्य निकायसँग राहातको लागि पहल गरिने नगर प्रमुख बिस्नु कुमार भामले बताएका छन् ।