प्रहरीले एक व्यवसायीको गोदामबाट छापा हानेर ठूलो मात्रामा अवैध समान बरामद गरेको छ । महेन्द्रनगर बजारको गल्ली नं. २ स्थित सुशील गुप्ताले संचालनमा ल्याएकाे हिमाशू प्लाष्टिक स्टाेरकाे गोदामबाट शुक्रबार दिउँसो ११ लाखसम्मको अवैध प्लास्टिकका समान बरामद गरिएको छ ।
जिल्ला प्रहरी कार्यालय कञ्चनपुरको प्रहरी टोलीले दिउँसो गुप्ताको गोदामा छापा हानेको थियो । गोदाममा ठूलो मात्रामा भन्सार नभएका प्लाष्टिकका भाडाँकुडा सहितका समान भेटिएपछि बरामद गरिएको प्रहरीले जनाएको छ ।
जिल्ला प्रहरी कार्यालय कञ्चनपुरका प्रमुख प्रहरी उपरीक्षक कमल थापाले गुप्ताको गोदामबाट करिव११ लाख मूल्य बराबरको समान बरामद गरिएको जानकारी दिएका छन् । प्रहरी उपरीक्षक थापाका अनुसार बरामद समान तीन ट्रकमा लोड गरी प्रहरी कार्यालय लगिएको हो ।
‘गोदाममा छापा हानेर ३ ट्रकसम्म समान बरामद गरिएको छ, त्यसको मूल्याङ्कन हुन बाँकी छ,’ उनले भने,‘अन्दाजी समान ११ लाखसम्म हुन सक्छ ।’
शुक्रबार प्रहरीले बजारका अन्य स्थानमा पनि छापा हानेको छ । प्रहरीका अनुसार तीन चार स्थानमा छापा हानिएको छ ।
प्रहरीले गुप्ताको गोदामबाट बरामद समानको मूल्याङ्कन गरी सार्वजनिक गर्ने भएको छ ।
जिल्ला प्रहरी कार्यालयले दशैं तिहारलाई मध्यनजर गरी अवैध राजश्व छिली नियन्त्रण अभियान सञ्चालन गरेको छ । बिहीबार मात्रै भीमदत्त नगरपालिका ६ स्थित भाट किरानाको पसलको गोदामबाट ठूलो मात्रामा अवैध समान बरामद गरेको थियो ।
मूल्य : रु. भीमदत्त नगरपालिका वडा २ उल्टाखामा पाँचकट्टा ३ धुर जग्गा बिक्रीमा
ठाउँ : भीमदत्त नगरपालिका वडा २ उल्टाखाम
थप जानकारी >>
मूल्य : रु. भिमदत्त २ खाेल्टिमा घरेडि बिक्रि
ठाउँ : भिमदत्त २ खाेल्टि नजिक १८५००००/-
थप जानकारी >>
प्रतिक्रिया