धनगढीबाट दार्चुलाका लागि हिँडेको जिप बैतडीमा दुर्घटना भएको छ। जिल्लाको पाटन नगरपालिका–६ हिरापूर नजिक जिप दुर्घटना भएको हो।

धनगढीबाट दार्चुलाको लागि हिडेको म १ ज २६० नम्बरको जिप आइतवार बिहान साढे ५ बजे दुर्घटना भएको प्रहरीले जनाएको छ। जिपमा सवार ४ जना यात्रुहरूलाई सामान्य चोट लागेको छ । अपिहिमाल गाउँपालिका दार्चुलाका पूर्व उपाध्यक्ष उर्मिला बोहरा, उनका श्रीमान करबिरसिंह बोहरा अन्य २ यात्रुहरू सामान्य घाइते भएकाछन्।

हिक्मत कार्की र एक अर्का यात्रुको टाउकोमा चोट लागेको छ । जिप ७ जना यात्रु बोकेर हिजो शनिवार साँझ धनगढीबाट हिँडेको थियो। सडक पेटीमा रोकिएका कारण दुर्घटनामा मानवीय क्षति हुनबाट जोगिएको प्रहरीले बताएको छ।

तपाईंको विज्ञापन यहाँ राख्नुहोस्