२०८१ मङि्सर ०९ गते आइतबार
जस्तापाता छानो मुनी, चिसो भुईमा पराल बिछ्याईएको छ् । रातभरको ओसले जस्तापाताबाट झनै चिसो हुन्छ्, त्यसैमा चिसो भुईमा पराल पनि ओसिलो छ् । त्यस माथि च्यातचुत परेको एउटा प्लास्टिकको बोरा र पराल ओछ्याएर जेनतेन शीतलहरमा रात काट्छिन् दोधारा चाँदनी नगरपालिका– ३ बडुवाल टोलका चम्फा सार्की र उनका जहान परिवार ।
केही दिन अघि मात्रै जंगली हात्तीले बथानले उनको घर भत्काईदिएपछि छिमेकीको खाली रहेको घरमा चिसो शितलहरमा चिसोले तडपिएर उनि र उनका दुई सन्तान रात काट्न बाध्य भएका छन् ।
जंगली हात्तीले चम्फाको घर भत्काईदिएपछि आफ्नो दुई सन्तान लिएर केही दिनको लागी नजिकै रहेको गणेश आधारभुत बिद्यालयमा आश्रय लिएका थिए । पछि आएर छिमेकीको खाली रहेको घरमा झण्डै एक महिना देखि चम्फाको घरपरिवार बस्दै आएका छन् । आर्थिक अवस्था कमजोर रहेको चम्फाको मध्यरातमा जंगली हात्तीले घर भत्काएर घरमा भएको खाद्यान्न, लत्ताकपडा नोक्सानी गरेपछि एकसरो शरिरको लुगा लगाएर आफ्नो गुजारा चलाउन बाध्य भएका छन् । ‘हामी गरिबलाई कसले हेर्छ र ?’ चम्फा सार्कीले भनिन्– ‘अहिले कठ्यांग्रिदो चिसोमा अर्काको घरमा आश्रय लिएर बसेको छु ।’ उनका श्रीमान भारतको हिमाञ्चल प्रदेशमा ज्यालामजुरी गर्न गएको एक वर्ष जति भयो । श्रीमानको कमाई पनि खासै छैन् । रात काट्नै चम्फा र उनका दुई सन्तान ५ वर्षका सुमित्रा सार्की र ३ वर्षका सरोज सार्कीलाई सकस हुदै आएको बताउछन् । उनको जहानलाई यतिबेला शीतलहरले हैरान पारेको छ् । आफ्नो खेत पनि छैन् उनको । अर्काबाट माँगेर ल्याएको पराललाई जाडोमा ओछ्याउने बनाएर जाडो छल्ने प्रयास गर्छिन् उनी । छोराछोरीका लागि केही न्यानो लुगा जोहो गर्न पाए जाडो काट्न सजिलो हुने बताउछिन् उनी ।
मूल्य : रु. भिमदत्त २ खाेल्टिमा घरेडि बिक्रि
ठाउँ : भिमदत्त २ खाेल्टि नजिक १८५००००/-
थप जानकारी >>
मूल्य : रु. भिमदत्त ५ बनगाउमा घडेरि बिक्रिमा
ठाउँ : भिमदत्त ५ बनगाउ कंचनपुर
थप जानकारी >>
प्रतिक्रिया