तपाईंको विज्ञापन यहाँ राख्नुहोस्

सिहदरवारमा आगाे लागेपछी

महेन्द्रनगर

२०८० पुष ११ गते बुधबार

फायल तस्बिर

सरकारको प्रमुख प्रशासनिक केन्द्र सिंहदरबारस्थित वन तथा वातावरण मन्त्रालयको एक कोठामा विद्युत् शर्ट भएर आगलागी भएपछि बुधवार एकछिन खैलाबैला मच्चिएको छ ।

बुधवार दिउँसो साढे २ बजेको समयमा वन मन्त्रालयमा आगलागीको हल्ला फैलिएको थियो ।

मन्त्रालयको चौथो तलामा रहेको प्राविधिक उपसचिव परशुराम पौडेलको कोठामा विद्युत् शर्ट भएर आगलागी भएको थियो । काठमा जोडिएको विद्युत मल्टिप्लगमा आगो लागेको थियो ।
शर्ट सर्किटको गन्ध फैलिएपछि कर्मचारीहरूबीच एकछिन भागदौड मच्चिएको थियो । त्यसपछि ४ सय १० नम्बरको कोठा खोल्दा धुँवैधुवाँले भरिएको थियो । पौडेल भने बुधवार कार्यकक्षमा थिएनन् ।

तत्कालै नियन्त्रणमा लिइएका कारण कुनै क्षति भने भएको छैन । धेरै हिटर एकसाथ बालिएका कारण तार जलेर आगो सल्केको एक कर्मचारीले बताए ।

जाडोको समयमा सिंहदरबारस्थित मन्त्रालयका प्रायः कोठामा हिटर बाल्ने गरेको पाइन्छ ।

तपाईंको विज्ञापन यहाँ राख्नुहोस्

099-418177