नक्कली पेस्ताेल सहित विवाहमा पुगेका ३ नावालक सहित चार जना पक्राउ

साङ्केतिक तस्बिर

शुक्लाफाँटा नगरपालिकामा नक्कली (खेलाैना) पेस्तोल देखाएर धम्क्याएकाे आराेपमा चार जना किशाेरलाई प्रहरीले पक्राउ गरेको छ । शुक्लाफाँटा नगरपालिका वडा नम्बर १२ दुवाहामा नक्कली पेस्तोल देखाएर धम्क्याएकाे आराेपमा चार जनालाई प्रहरीले बिहीबार राति पक्राउ गरेको हो ।
दुबाहामा गत बुधवार भएको एक बिबाह घरमा नक्कली पेस्तोल देखाउँदै गएका १६ वर्षिय शिव राना,२१ वर्षिय लक्ष्मण राना,१७ वर्षिय अशोक राना र १६ वर्षिय राम विलाश रानालाई पक्राउ गरिएको जिल्ला प्रहरी कार्यालय कञ्चनपुरका डिएसपी प्रकाश डाँगीले बताए ।
डिएसपी डाँगीका अनुसार पक्राउ परेका सबै लालझाडी गाउँपालिका –४ का हुन् । उनीहरुलाई अभद्र व्यवहारमा मुद्धा दर्ता गरी अदालत बाट म्याद थपि अनुसन्धान भइरहेको प्रहरीले जनाएको छ ।

तपाईंको विज्ञापन यहाँ राख्नुहोस्

099-418177