सुदुरपश्चिममा समाजवादि समर्थन फिर्ताकाे तयारिमा सरकार अल्पमतमा पर्ने

महेन्द्रनगर

२०८० फागुन २४ गते बिहिबार

नेकपा माओवादीपछि एकीकृत समाजवादीले पनि कांग्रेस नेतृत्वको सुदूरपश्चिम प्रदेश सरकालाई दिएको समर्थन फिर्ता लिने तयारीमा पुगेको छ । बदलिएको राजनीतिक समीकरणपछि केन्द्रमा समाजवादीले नयाँ सत्ता गठबन्धनमा सहभागी भएसँगै यहाँको प्रदेश सरकारलाई दिएको समर्थन फिर्ता लिने तयारी गरेको हो ।
आज १० बजे संसदीय दलको बैठक बसेर प्रदेश सरकारलाई दिइएको समर्थन फिर्ता लिने तयारी भएको समाजवादी संसदीय दलको कार्यालय स्रोतले जनाएको छ । योसँगै मुख्यमन्त्री कमल बहादुर शाह नेतृत्वको सरकार अल्पमतमा पर्ने भएको छ । यहाँ समाजवादीका ४ जना प्रदेश सांसद छन् ।
बुधबार मात्रै नेकपा माओवादी केन्द्रले प्रदेश सरकारलाई दिएको समर्थन फिर्ता लिएको थियो । समाजवादीले पनि सरकारलाई दिएको समर्थन फिर्ता लिएमा मुख्यमन्त्री शाहसँग अब २६ जनाको मात्रै समर्थन रहन्छ ।नेपाली काँग्रेसका १८ जना, नागरिक उन्मुक्तिका ७ जना र स्वतन्त्र १ जना गरी २६ जनाको मात्रै समर्थन रहने छ ।
स्वतन्त्र सांसद डा तारादत्त जोशी भने अहिले पर्ख र हेरको अवस्थामा छन् । नागरिक उन्मुक्ति अझै सत्ता गठबन्धनमा सहभागी नभएकाले सुदूरपश्चिममा सरकार बनाउन नयाँ गठबन्धनलाई पनि बहुमत पुग्ने देखिँदैन ।