आज शुक्रवार बाट कक्षा१२ को परीक्षा सुरु हुँदैछ । यो वर्ष कक्षा १२ को परीक्षाका लागि ४ लाख ९१ हजार ४ सय ९७ विद्यार्थी सहभागी हुँदै छन् ।
राष्ट्रिय परीक्षा बोर्डका अनुसार नियमिततर्फ १ लाख ९६ हजार ९ सय १४ छात्रा र १ लाख ९३ हजार ९ सय ३३ जना छात्र गरी ३ लाख ९० हजार ८ सय ४७ परीक्षार्थी छन् । बाँकी भने ग्रेडवृद्धितर्फका विद्यार्थी हुन्
७७ वटै जिल्ला र जापानको एकसमेत गरी १ हजार ५ सय २६ केन्द्रमा परीक्षा सञ्चालन हुनेछन् । गतवर्षभन्दा यसपालि १८ हजार परीक्षार्थी बढेकाले परीक्षा केन्द्र पनि अघिल्लो वर्षको तुलनामा थपिएको बोर्डका सदस्य सचिव दुर्गाप्रसाद अर्यालले जनाए ।
परीक्षा बिहान ८ बजेबाट सुरु हुने । परीक्षा सुरु हुनु आधा घन्टा अगाबै परीक्षा स्थलमा पुग्न अनुराेध गरिएकाे छ । केहिगरि ढिला भएमा परीक्षा सुरु भएकाे १५ मिनेट सम्म परिक्षामा सहभागी गराउन सकिने राष्ट्रिय परीक्षा बाेर्डले जनाएको छ ।
प्रतिक्रिया