नेविसंघ कञ्चनपुरद्वारा विपि स्मृति दिवसको अवसरमा अनाथालयका बालवालिकाहरुलाई शैक्षिक सामाग्री सहयोग

नेपाल विद्यार्थी संघ कञ्चनपुरले अनाथालयका बालबालिकाहरुलाई शैक्षिक सामाग्री सहयोग गरेको छ ।
आइतबार विपि कोइरालाको ४२ औं स्मृति दिवसको अवसरमा महेन्द्रनगर स्थित समाजकल्याण अञ्चल बाल अनाथालयका बालबालिकाहरुलाई शैक्षिक सामाग्री सहयोग गरिएको नेपाल विद्यार्थी संघ जनज्योति क्याम्पस महेन्द्रनगर का सभापति गोविन्द राज जोशीले बताए ।

नेपाली कांग्रेस कञ्चनपुरका उपसभापति मीन बहादुर सिंह, नेपाली कांग्रेसका नेता प्रेम विष्ट लगाएत नेविसंघका नेता तथा विद्यार्थीहरुको उपस्तिथिमा बालबालिकाहरुलाई कापी कलम लगाएतका शैक्षिक सामाग्री सहयोग गरिएको उनले बताए ।

नेविसंघ कञ्चनपुरले विद्यार्थीहरुको हकहित तथा अधिकार संगै निरन्तर यस्ता सामाजिक कार्य समेत गर्दै आएको छ ।