२०८३ असोज १९ गते सोमबार
खुलामञ्चको प्रसङ्ग जोडेर सामाजिक सञ्जालमा कटाक्ष गरेका प्रधानमन्त्री बालेन शाहमाथि जेनजी अभियन्ता रक्षा बमले शब्द प्रहार गरेकी छन्।
नयाँ पुस्ताको आन्दोलन, रगत र बलिदानकै जगमा सामान्य राजनीतिक संस्कारसमेत नभएका व्यक्तिहरू मुलुकको प्रधानमन्त्री, मन्त्री र सांसद बन्न पाएको भन्दै उनले सामाजिक सञ्जालमार्फत तीखो जवाफ फर्काएकी हुन्।
प्रधानमन्त्री शाहको व्यङ्ग्यात्मक स्टाटस लगत्तै आइतबार फेसबुकमा लेख्दै अभियन्ता बमले भनेकी छन्, ‘धन्न जेन-जीहरूले आन्दोलन गर्दिएर, रगत बगाइदिएर, घाइते/सहिद भइदिएर, सामान्य राजनीतिक संस्कारसमेत नभएकाहरू प्रधानमन्त्री, मन्त्री र सांसद हुन पाएका छन्।’
यसअघि खुलामञ्चमा जारी नेपाली कांग्रेसको १५औं महाधिवेशनमा सभापति गगन थापाले प्रधानमन्त्री संसद्मा उपस्थित नहुने गरेको भन्दै प्रश्न उठाएका थिए।
त्यसलगत्तै प्रधानमन्त्री शाहले ‘धन्न खुलामञ्च राम्रो बनाइएछ, नयाँ पार्टीले कार्यक्रम गरेर गाली गर्न पाएका छन्’ भन्दै सामाजिक सञ्जालमा टिप्पणी गरेका थिए।
प्रधानमन्त्रीको सोही अभिव्यक्तिलाई लक्षित गर्दै अभियन्ता बमले उनकै शैलीमा राज्यको उच्च तहमा पुगेका नेतृत्वको राजनीतिक संस्कार र मर्यादामाथि गम्भीर उठाएकी हुन्।
मूल्य : रु. 2,200,000
ठाउँ : भीमदत्त नगरपालिका वडा २ उल्टाखाम
थप जानकारी >>
मूल्य : रु. 1,850,000
ठाउँ : भिमदत्त २ खाेल्टि नजिक १८५००००/-
थप जानकारी >>
प्रतिक्रिया