पशुबली ( भ्रम र वास्तविकता ) बिरोधिहरुले बुझ्नुपर्ने कुरा !! बलि परम्पराको वास्तविकता यस्तो छ ( पूरा पढ्नुस )

म शाकाहारी बनेको ०७ वर्ष भयो । यो ०७ वर्षमा मैले आफूलाई एकदम स्वस्थ, फुर्तिलो र रोगमुक्त पाएको छु । हामी शाकाहारि बन्दा पशुबली आफैं रोक्किन्छ। 

तर यहाँ पशुबली रोक्नु परेको नभै जबर्जस्ती सनातनिलाई पापी र निचा देखाउनैको लागि बलिको बिरोध गरिन्छ तर घर अघिको मासु पसलको बिरोध गरिन्न ।

यी बिरोधिहरु सधैं आफैं मासु खानेहरु हुन या त बलि परम्परा नै नबुझेका हुन् । 

फेरि कोहि गुरुहरु पशु बलि दिने हैन , काम, क्रोध, लोभ, मोहको बलि दिने हो भन्दै भ्रम पिट्छन । यी त झन् बलि परम्परा बुझ्दै नबुझेका पाखन्डी हुन् ।

सोच्नुस !

दैनिक मासु पसलमा धेरै पशु मर्लान कि ? मन्दिरमा वा दशैं, कुलपुजा आदिमा दिने बलिमा ?

कृसमस र ईदको पशुहत्या कसैले बिरोध गरेको सुन्नुभएको छ ? फेरि यी दुईको पनि बिरोध हुनुपर्यो भनेको हैन । कसैको पनि मान्यतामा हस्तक्षेप किन ??? अनि हिन्दुकै मात्र बिरोध ??? किन ??? बुझ्नुस अब ...

बलिप्रथा के हो ?

मानव सभ्यता विकासको क्रममा जंगलमा आगलागी भयो, खानेकुरा अभाव भयो, मान्छे भोकै पर्दा त्यहाँ डढेका पशुहरु खाए, त्यहिँबाट मानव मांशाहारि बन्यो भनिएको छ ।

जे सुकै भएपनी मानिस घाँसपात मात्र खाने हैन उसले मासु, अन्डा, दूध र अन्न सबै नै खाने हो भन्नेकुरा मानव ईतिहास र विकास क्रमले नै देखाउँछ ।

जब मांसाहारकै लागि भनेर पशुहरुको हत्या हुनथाल्यो त्यतिखेर ब्रह्माण्डभर अशान्ती, कोलाहाल मच्चिएपछि ऋषिमुनिले एउटा नियम बनाए ,

यदि पशुहत्या गरेर खानु नै परेमा बलि दिएको मात्र खानुपर्ने हुन्छ नभए हुँदैन । बलि दिनको लागि उचित समय तोकियो र त्यतिखेर मात्र खान पाईने नियम बनाईयो ।

तर मन्दिरमा वा पर्वमा बलि दिनैको लागि पनि कस्लाई दिने ? देवि र देवताले त बलि खाँदैनन । त्यसैले बलि दिनैको लागि भनेर देविसंगै देविका , रुद्रसंग रुद्रका र विनायकसंग विनायकका गणहरु बोलाईयो र गणहरुलाई पनि स्थापना गराईयो ।

गणहरु रगतले तृप्त हुनेभए र मागेको कुरा ( भाकल ) पूरा गरिदिने तागत पनि राखे । वास्तवमा बलि रुद्र, देवि र विनायकका गणहरु ( भुत, प्रेत, पिचाश, यक्ष , यक्षिनी ) ले खाने हुन् र उनैले भाकल पूरा गर्ने हुन् । बलि कुनै देवि वा देवताले खाने हैन ।

अब सोच्नुस मानौं बलि बन्द भयो !!

यक्ष, पिचाश, प्रेत, भुत सबै छँदै नै छन् । तर बुद्धी हिन भएका हरु आँखाले देखेको चिज मात्र बिश्वास गर्छन् जबकी २० हर्ज भन्दा कम र २० किलोहर्ज भन्दा बढी आवाज समेत मान्छेले सुन्दैन भने कुकुरले देख्ने हरेक जीव मान्छेले देख्दैन ।

कुकुरको जती पनि क्षमता नभएको मान्छे देखेको कुरा मात्र बिस्वस गर्छु भन्छ भने त्यो बिज्ञान र धर्म दुबै नबुझेको पाखन्डि हो ।

यो बेलामा बलि बन्द भयो भने भुत,प्रेत, पिचास, यक्ष र यक्षिणी अतृप्त हुन्छन् र उनिहरु रगत खोज्दै मानवको दुर्घटना गराउँछन , रगत बगाउँछन । किनकी उनिहरु रगतले मात्र तृप्त हुन्छन् ।

बलि एकाएक रोक्दा हत्या, दुर्घटना, रोग, शोकले घरमा संकट आएको धेरै घटना छन् र यो भएर नै छाड्छ ।

कस्तो अचम्म !!

अनावश्यक पशुहत्या हुँदा पनि र मासु खानैको लागि पशु मार्दा पनि ब्रह्माण्डभर नकारात्मक उर्जा जान्छ र बलिप्रथा रोक्किँदा पनि ब्रह्माण्डभर नकारात्मक उर्जा जान्छ ।

मासु खानेले बलि दिएर मात्र खानु उचित हो भने मासु नखानेले पनि नरिवल , कुभिन्डो आदिको बलि दिनु नै पर्छ । बलि प्रथा निरन्तर हुँदा दैनिक हुने पशुहत्या रोकिन्छ र निस्चित समयमा मात्र सर्दा आफैं मान्छे शाकाहारी बन्दै जान्छ वा खाए पनि एकदम कम खानुपर्ने बाध्यता हुन्छ किनकी दैनिक रुपमा बलि दिन मिल्दैन , त्यसको प्रावधान छ ।

बलि प्रथाले योद्धालाई झनै वीर बनाउँछ , क्षत्रीय , सेना, प्रहरी आदिले बलि दिनु नै पर्छ नत्र उसले युद्ध लड्न नै सक्दैन ।

पशुहत्याको माया लागेको हो भने शाकाहारी बन्न प्रेरित गर्ने हो तर जो मान्छे बलिप्रथाको बिरोधी हो त्यो बिज्ञान र धर्म दुबै नबुझेको पाखन्डी हो । 

त्यसको उद्देश्य पशुहत्या रोक्नु हैन बरु हाम्रो संस्कार रोकि हामिलाई मानव रगतको आहालमा डुबाउनु हो । दैनिक पशुहत्या रोक्न पनि बलिप्रथा निरन्तरता दिनुपर्छ । बलिप्रथा हराए नेपाल भन्ने देश पनि हराउँछ । 

यत्ती चेतना सबैमा रहोस् ।।। मांशाहारिले बलि दिएर मात्र खानु, शाकाहारिले पनि कुभिन्डो, घिरौंला वा नरिवल बलि अनिवार्य दिनु ।

अन्यथा आफ्नै हानी हुनेछ .....

यो संसार सबैको हो । मासु नखाँदैमा तिमी गज्जबको पूण्यआत्मा हैनौ र मासु खानेहरु सबैजना कम्म नलाग्ने पापी पनि हैनन । 

किनकी यो संसारमा शरीर बेच्ने नगरवधुले समेत मुक्ती पाउँदा पन्डितहरु नर्कमा जाकिएका हुन्छन् ।

- राजेन्द्र न्यौपानेको फेसबुक पेजबाट