बडुवाल टोलको स्थानियहरुको घर भत्काउदै जंगली हात्तीले गहुँवाली नष्ट गर्न थालेको छ् । दोधारा चाँदनी नगरपालिका– ३ बडुवाल टोलमा स्थानियहरुको घर भत्काउदै आएको जंगली हात्तीले अहिले आएर गहुँवाली नष्ट गर्न थालेको स्थानियहरुले बताएका छन् ।
बडुवाल टोलमा बिगत लामो समय देखि जंगली हात्तीले स्थानियहरुको मध्यरातमा घर भत्काउने, अन्नवाली क्षती गर्ने तथा मानविय क्षती पुर्याउदै आएको छ् । भारतिय जंगल संग जोडिएको बडुवाल टोलमा जंगली हात्तीको आतंक नियन्त्रण गर्न सरकारले खासै काम नगरेको स्थानियहरुको दुखेशो रहदै आएको छ् ।
मध्यरातमा हात्तीको ठुला हुल आएर बस्तीमा आतंक मच्चाउदै आएको छ् । मध्यरातमा स्थानियहरुले ज्यान जोगाउन हम्मे–हम्मे पर्दै आएको छ् । गएराती बडुवाल टोलका स्थानिय उमेश जैशी, कमला सुनार, गौरव जैली लगाएत स्थानियहरुको एक बिघाह भन्दा बढी गहुँवाली नष्ट गरेको स्थानियबासी महाविर क्षेत्रीले जानकारी दिएका छन् ।
हात्ती बस्ती पसेको बेला स्थानिय किसानहरुलाई हात्ती धपाउन रातभरी जाग्रम बस्नु परेको छ् । रातीको समयमा बच्चा सहितको हात्तीको बथानले गहुँवाली नष्ट गर्दै आएको महाविर क्षेत्रीले बताए । जंगली हात्तीले अन्नवाली क्षती गर्न थाले संगै केही घरपरिवारले खेतमा बिद्युतिय तारवार (झट्का मसिन) गरेका छन् । हात्ती धपाउन बस्तीमा स्थानीयले आगो बाल्ने, गुलेली प्रयोग गर्ने, पटाका पड्काउदै आएका छन् ।
प्रतिक्रिया