बालबालिकालाई शैक्षिक सामाग्री प्रदान

मसुरिया

२०७८ फागुन २५ गते बुधबार

घनश्याम पाैडेल - गाैरिगंगा नगरपालिका वडा नं ९ मा गरिब तथा जेहेन्दार विद्यार्थीलाई विद्यालय सामाग्री प्रदान गरिएको छ ।
ग्लोबल एक्सन नेपाल र छोरी शिक्षाको लागि राष्ट्रिय अभियानको सहयोगमा सक्षम छोरी अभियानको सहकार्यमा बनखेत गाउँमा रहेको जनचेतना आधारभूत विद्यालयमा अध्ययनरत गरिब बिपन्न जेहन्दार बालबालिकालाई शैक्षिक सामाग्री (झोला, कपी, पेन, ज्यामिति बक्स) प्रदान गरिएको हो । छोरी शिक्षाको लागि राष्ट्रिय अभियानका प्रदेश संयोजक तारा ओझाले संस्थातर्फबाट ति सामग्री १५ जना बालबालिकालाई प्रदान गरेका थिए। कार्यक्रमलाई सम्बोधन गर्दै वडा नं ९ का अध्यक्ष हरी प्रसाद तिवारीले बालबालिका माथि हुने हिंसालाई अन्त्य गरी उनीहरुको सुरक्षित भबिस्यको लागि सबैले हातेमालो गर्दै शैक्षिक, सामाजिक रुपमा समान सहभागिता र प्रोत्साहन गर्नु आवश्यक रहेको धारणा ब्यक्त गरेका छन् । स्थानीय समाजसेवी , बुद्धिजीवी , स्वास्थ्यकर्मी ,युवा अभियान्ता, शिक्षक, अभिभावक, विद्यार्थीहरुको उपस्थितिमा कार्यक्रम गरिएको थियो ।