मुख्यमन्त्री महिला गोल्डकप फ्ल्डलाइटमा खेलाइने

महेन्द्रनगर

बिकास सिह महता

२०७९ बैशाख ०३ गते शनिबार

मुख्यमन्त्री महिला गोल्डकप फ्ल्डलाइटमा खेलाइने

सुदूरपश्चिम प्रदेशको धनगढीमा आयोजना हुने प्रथम राष्ट्रिय मुख्यमन्त्री विवाइसी महिला गोल्डकप फुटबल प्रतियोगिताको आज उद्धघाटन हुनेछ । वनदेवी युवा क्लबको आयोजनामा आज धनगढीमा महिला गोल्डकपको उद्धघाटन खेल विभागीय टिम नेपाल पुलिस क्लब र चन्द्रपुर नगरपालिका रौतहटका बिच हुने छ ।

वैशाख ३ गतेदेखि १० गतेसम्म धनगढी स्थित रङ्गशालामा गोल्डकपको आयोजना गरिने आयोजकले जनाएको छ।
प्रतियोगितामा सुदुरपश्चिम प्रदेश खेलकुद परिषद् मुख्य प्रवद्र्धक रहेको रहेको छ। जसमा विभागीय टिम सहित ८ क्लबको सहभागिता रहेको छ।

गोल्डकपको विजेताले ट्रफी सहित नगद ५ लाख र उपविजेताले ट्रफी सहित २ लाख ५० हजार रुपैयाँ पुरस्कार राशी प्राप्त गर्नेछ । प्रतियोगितामा प्रत्येक खेलको प्लेयर अफ दि म्याचले नगद ५ हजार, त्यस्तै विभिन्न विद्याका उत्कृष्ट खेलाडीलाई १० हजार र प्रतियोगिताको सर्वाेत्कृष्टे नगद ५० हजार रुपैयाँ प्राप्त गर्ने आयोजकले बताएको छ।

धनगढी स्थित रङ्गशालामा आयोजना हुने प्रतियोगिता रात्रिकालीन फ्ल्डलाइटमा हुने खेल संचालन हुने आयोजक क्लबले जानकारी दिएको छ । दिउँसो अत्याधिक गर्मिहुने भएकोले पहिलो पटक रात्रिकालीन प्रतियोगिता आयोजना गर्न लागिएको हो ।