लागुऔषध खैराे हेराेईन सहित ४ जना युवा पक्राउ

लागूऔषध खैरो हेरोइनसहित प्रहरीले कंचनपुरका चार जना युवालाई पक्राउ गरेको छ । ईलाका प्रहरी कार्यालय बेलौरीको टोलीले उनीहरुलाई पक्राउ गरेको हो ।

बेलौरी नगरपालिका-८ का २३ वर्षीय दिनेश चौधरीलाई शंका लागेर चेकजाँच गर्दा उनले चलाईरहेकाे साइकलको सिटमुनि लुकाई राखेको अवस्थामा १० दशमलव ७२ ग्राम खैरो हेरोइन बरामद गरिएको प्रहरीले जनाएको छ ।

यस्तै उनीसँगै रहेका वडा नं. ८ कै रामदास चौधरी, शुक्लाफाँटा नगरपालिका-२ झलारी बस्ने २५ वर्षीय सञ्जु सार्की र वडा नं. ३ का २५ वर्षीय प्रवेश धामीलाई पनि प्रहरीले पक्राउ गरेको छ । उनीहरुलाई नियन्त्रणमा लिएर कानून बमोजिम थप अनुसन्धान भइरहेको डिएसपी चक्रबहादुर शाहले जानकारी दिए ।