२०८१ चैत २३ गते शनिबार
रानाथारु समुदायमाथि आँच आउने अभिव्यक्ति दिएको भन्दै नेपाली कांग्रेस कैलालीका जिल्ला सभापति नारायणदत्त भट्टलाई कारबाही गर्न नेपाल राना थारु समाजले माग गरेको छ।
समाजका कार्यवाहक अध्यक्ष कमलसिंह रानाले आज एक विज्ञप्ति जारी गर्दै जिल्ला सभापति भट्टलाई जातीय भेदभाव तथा छुवाछुत कसुर र सजाय नियमावली, २०७४ को समेत उलंघन गरेको भन्दै कारबाहीको माग गरेका हुन्। ‘प्रतिनिधि सभा सदस्य उम्मेदवार नारदमुनि रानाको नामलाई लिएर राना थारुहरू ठग र तल्लो दर्जाको नागरिक हुन् ।
यस समुदायका मान्छेलाई भोट दिन हुन्न भन्ने आशयले दिएको अभिव्यक्तिले राना थारु समुदायको घोर अपमान मात्रै भएको छैन, जातीय भेदभाव तथा छुवाछुत कसुर र सजाय नियमावली, २०७४ को समेत उलङ्घन गरेको छ’ विज्ञप्तिमा भनिएको छ ‘नेपाली काँग्रेस कैलालीका जिम्मेवार नेताको यस्तो गैर जिम्मेवार, अराजनैतिक, गैर कानुनी र अराजक अभिव्यक्तिले राना थारु समुदायको स्वाभिमान माथि ठूलो आघात पुगेको छ ।
यस्ता द्वेषपूर्ण भावना सृजना गरी मिलेर बसेको समुदायबिच द्वन्द्व फैलाउने अवस्था पैदा गर्ने कार्यका विरुद्ध राज्यसँग कानुन बमोजिमको कारबाही गर्न समेत राना थारु समुदाय जोडदार माग गर्दछ ।’
केही दिन पहिले सभापति भट्टले सत्ता गठबन्धनको कार्यक्रममा एमालेका उम्मेदवार नारदमुनि राना र नेपालु चौधरीको नाम लिँदै अपमानपूर्ण अभिव्यक्ति दिएका थिए।
‘जो एमालेको नाममा आउँछ त्यो ठग पार्टी, चाहे त्यो नेपालु होस् चाहे त्यो तपाइको नारदमुनि राना होस्, मुनी त त्यसै नाम छदै छ, फेरी राना’ भट्टले भनेका थिए ‘त्यस कारण मुनिका मान्छेलाई भोट नहाल्नुहोस्।’
मूल्य : रु. भिमदत्त २ खाेल्टिमा घरेडि बिक्रि
ठाउँ : भिमदत्त २ खाेल्टि नजिक १८५००००/-
थप जानकारी >>
मूल्य : रु. भिमदत्त ५ बनगाउमा घडेरि बिक्रिमा
ठाउँ : भिमदत्त ५ बनगाउ कंचनपुर
थप जानकारी >>
प्रतिक्रिया