काभ्रेमा बस दुर्घटनामा मृत्यु भएका मध्ये १३ जनाको परिचय खुलेको छ । अरु ४ जनाको भने अझै सनाखत हुन सकेको छैन ।
हिजो साँझ काभ्रेको बेथानचोक गाउँपालिका वडा नम्बर ४ चलाल गणेशस्थानमा बा ३ ख ४३८५ नम्बरको बस दुर्घटना हुँदा ९ महिला र ८ जना पुरुष गरी १७ जनाको मृत्यु भएको जिल्ला प्रहरी कार्यालय काभ्रेका प्रमुख चक्रराज जोशीले बताउनुभयो ।
उहाँका अनुसार दुर्घटनामा परेर चालक ललितपुरको महाङ्काल गाउँपालिका–६ घर भई काभ्रेको पनौती बस्ने २२ वर्षका सन्तोष तिमल्सिना, बनेपा १४ का रामकुमार तामाङ, बनेपा ११ का ७९ वर्षका निर्मला तामाङ, बनेपा ८ का ११ वर्षका योगेश तामाङ, बनेपा ११ का ५० वर्षका आकुर तामाङ, उहाँका श्रीमती हेमा तामाङ, बनेपा ११ का १० वर्षका पुस्कर तामाङ, २५ वर्षका कोपिला तामाङ, उहाँको ६ वर्षका छोरी श्रेयाको मृत्यु भएको छ । यस्तै मण्डनदेउपुर नगरपालिका १ का ३७ वर्षका चेली तामाङ, धुलिखेल ११ का ३० वर्षका बुद्ध तामाङ, बेथानचोक ५ का ३२ वर्षका मञ्जु तामाङ र बनेपा १४ का गीता श्रेष्ठको मृत्यु भएको छ । बाँकी ४ जनाको परिचय खुल्न बाँकी छ ।
सुरक्षाकर्मी, जनप्रतिनिधि र स्थानीयले दुर्घटना भएको आधा घण्टा भित्रै घाइतेको उद्धार गरेका थिए । घाइते मध्ये एकजनाको धुलिखेल अस्पतालको भेन्टिलेटरमा राखेर उपचार भइरहेको छ भने ५ जनालाई थप उपचारका लागि काठमाडौका विभिन्न अस्पतालमा रेफर गरिएको छ । अन्य घाइतेको धुलिखेल अस्पताल र बनेपाको शिर मेमोरियल अस्पतालमा उपचार भइरहेको छ ।
मूल्य : रु. भिमदत्त २ खाेल्टिमा घरेडि बिक्रि
ठाउँ : भिमदत्त २ खाेल्टि नजिक १८५००००/-
थप जानकारी >>
मूल्य : रु. भिमदत्त ५ बनगाउमा घडेरि बिक्रिमा
ठाउँ : भिमदत्त ५ बनगाउ कंचनपुर
थप जानकारी >>
प्रतिक्रिया