दोधारा चाँदनी नगरपालिकाका वडाध्यक्ष केशव खत्रीको सहयोगले एक बालक बिद्यालय जान पाउने भएपछि खुशी भएका छन् ।

दोधारा चाँदनी नगरपालिका– ५ ईन्द्रवती टोलमा बस्ने वर्ष १२ का लक्की सुनारलाई वडाध्यक्ष केशव खत्रीले बिद्यालयमा नाम दर्ता, पोशाक र स्टेशनरी गरिदिने भएपछि लक्की खुशी भएका छन् । लक्कीको आमा नभएको र बाबु बिरामी अवस्थामा रहेको कारण उनि बिद्यालय जानबाट बन्चित हुदै आएका हुन् । आर्थिक अवस्था कमजोर भई बिद्यालय जान नसकेका लक्कीलाई बिद्यालय जान बिद्यालयमा नाम दर्ता, पोशाक र स्टेशनरी दोधारा चाँदनी नगरपालिका– ५ का वडाध्यक्ष केशव खत्रीले ब्यक्तीगतरुपमा सघाउने भएपछि लक्की सुनार खुशी भएका हुन् ।

आज मंगलबार वडा कार्यालयमा पुगेरले वडाध्यक्ष खत्री संग भेट गरि आफु बिद्यालय जान पाउने भएको भन्दै खुशी ब्यक्त गरेका हुन् । वडाध्यक्ष खत्रीले भानु माबिमा नाम दर्ता गर्ने र एक वर्षको बिद्यार्थीलाई पठन पाठनमा चाहिने आवश्यक शैक्षिक सामग्री उपलब्ध गराईदिने भएपछि लक्की सुनार खुशीले गदगद भएका हुन् ।
यस अघि उनि दोधारा चाँदनी नगरपालिका– १० ओंमकार आधारभुत बिद्यालयमा अध्यनरत थिए । ओंमकार आधारभुत बिद्यालयमा कक्षा ४ मा उर्तिण भए संग घरको आर्थिक अवस्था कमजोर रहेको कारण उनि बिद्यालय जान छाडेका हुन् । ‘पढ्ने रहर निकै थियो, तर घर बाबा बिरामी हुनुहुन्छ्’ लक्की सुनारले भने– ‘अब वडाध्यक्षज्युले कपडा, जुत्ता, कापी, कलम र नाउ लेखाउन सहयोग गर्नु भएपछि अब स्कुल जान पाउने भए ।’ लक्की बिद्यालय जान पाउने भएपछि निकै खुशी भएका छन् । ‘धेरै पढेर ठुलो मान्छे बन्ने रहर छ्’ लक्कीले भने । वडाध्यक्ष केशव खत्रीले आर्थिक अभावको कारण लक्की सुनार बिद्यालय जान नसकेको थाहा पाएपछि बिद्यालयमा नाम दर्ता तथा बिद्यार्थीको लागी आवश्यक शैक्षिक सामग्री ब्यवस्था गर्न लागेको बताएका छन् । भानु माबिका प्रधानध्यापक संग कुरा भईसकेको र चाडै पोशाक लगाएत शैक्षिक सामग्री उपलब्ध गराई लक्की बिद्यालय जाने ब्यवस्था गरिएको वडाध्यक्ष केशव खत्रीले बताएका छन् । वडाध्यक्ष खत्रीले आफुले पाउने सरकारी तलब, भत्ताबाट तलब गरीव, असहायहरुलाई सहयोग गर्दै आएका छन् ।