दोधारा चाँदनी नगर अस्पतालमा चौबिसै घण्टा फार्मेसी र प्रयोगशाला सेवा सुरु हुने भएको छ् । कञ्चनपुरको दोधारा चाँदनी नगरपालिकाको नगर अस्पतालमा चौबिसै घण्टा फार्मेसी सेवा र प्रयोगशाला सेवा सुरु हुने भएको नगर अस्पतालका कार्यलय प्रमुख डा. जिवन किरण स्नेहीले जानकारी दिनुभएको छ् । अस्पतालमा बिहान १० बजे देखि साँझ ५ बजे सम्म मात्र फार्मेसी र प्रयोगशाला सेवा सुरु हुदै आएको छ् । चाडैनै चौबिसै घण्टा फार्मेसी र प्रयोगशाला सेवा सुरु गर्न लागिएको डा. जिवन किरण स्नेहीले बताउनुभयो । अस्पतालमा आउने बिरामी तथा सेवाग्राहीले अन्यत्रमा गएर महंगा फार्सेमी र प्रयोगशालामा जानु नपरोस् भन्ने उद्देश्यले चौबिसै घण्टा सेवा सुरु गर्न थालिएको अस्पतालका कार्यलय प्रमुख डा. जिवन किरण स्नेहीले बताउनुभयो । प्रयोगशाला  र फार्मेसी सेवा सुरु भए संगै सेवाग्राहीलाई आवश्यक परेको जुनसुकै बेला सेवा पाउन सक्नेछन् । ओपीडी आवरमा मात्रै फार्मेसी सञ्चालन हुने तर ओपडीपछि प्रयोगशाला र फार्मेसी सेवा सञ्चालन नहुदा अस्पतालमा आउने सेवाग्राहीहरु भौतारिनुपर्ने, बढी पैसा तिरेर बाहिर औषधि किन्नुपर्ने अवस्थालाई निर्मूल पार्न सेवा सञ्चालनमा ल्याउने तयारी गरिएको डा. जिवन किरण स्नेहीले बताउनुभएको छ् । अस्पतालले ल्यावबाट दिसा, पिसाब, खकार, रगत लगाएतका बिभिन्न प्रकारको ल्याव परीक्षण गरिदै आएको दोधारा चाँदनी नगर अस्पतालका ल्याव टेक्निसियन हर्क बहादुर कुँवरले बताउनुभएको छ् । दैनिक झण्डै एक सय भन्दा बढीले अस्पतालको ल्याव र फार्मेसीबाट सेवा लिदै आएको टेक्निसियन हर्क बहादुर कुँवरले बताउनुभयो । समय अनुकुल अस्पतालले ल्याव परीक्षणका बिभिन्न उपकरण थप्दै आएको बताउदै राष्ट्रिय क्षय रोग केन्द्रले जिन एक्सपोर्ट उपकरण उपलब्ध गराएर सेवा दिदै आएको ल्याव टेक्निसियन हर्क बहादुर कुँवरले बताउनुभयो । अहिले आएर नगर क्षेत्रमा स्वास्थ्य क्षेत्रमा ठूलो परिवर्तन आएको उहाँको भनाई रहेको छ् । कुनै बेला सामान्य उपचारका लागि पनि सदरमुकाम महेन्द्रनगर वा भारत तर्फ धाउनु पर्ने समस्या अहिले धेरै जसो सेवाहरु नगर अस्पतालबाट प्रदान भईरहेको ल्याव टेक्निसियन कुँवरले बताउनुभयो । विगतको तुलनामा नगर अस्पतालको सेवामा निकै सुधार हुदै आएको स्थानियबासीहरुको भनाई रहेको छ् । नगर अस्पतालका लागि १५ सय्या सुविधा सम्पन्न आधुनिक भवन निर्माण भईरहेको हुदा निमार्ण सम्पन्न पछि अस्पताल अझै सुबिद्या सम्पन्नता हुने बताईएको छ् ।