सिद्धनाथ मन्दिरको कार्यसमिति अध्यक्षमा दिनेशराज भट्ट सर्वसम्मत चयन भएका छन्।
बेलौरी नगरपालिका–९ मा अवस्थित मन्दिरको अध्यक्षमा भट्ट दोस्रोपटक अध्यक्षमा सर्वसम्मत चयन भएका हुन।
शनिबार स्थानीय भक्तजनहरुको भेलाले भट्टको अध्यक्षतामा १३ सदस्यीय कार्यसमिति गठन गरेको हो। समितीको उपाध्यक्षमा लक्ष्मणदत्त भट्ट, सचिवमा बलदेव भट्ट, सहसचिवमा धर्मराज भट्ट र कोषाध्यक्षमा दिपकराज भट्ट चयन भएका छन्।
भट्टकै अध्यक्षतामा यसअघि तदर्थ समिति गठन गरिएको थियो। उनकै अध्यक्षतामा मन्दिरको जमिन छुट्याउने पहल समेत तारबार र प्रवेशद्वार निर्माण कार्यको सुरुवात गरिएको छ।
दोस्रो पटक अध्यक्ष भएका भट्टले मन्दिरको आय व्यय बढाएर बाँकी रहेको घेरबार लगायत निर्माण कार्य गर्ने बताए।
प्रतिक्रिया