मंगलबार बाट कंचनपुरमा कृषिगणना प्रशनावली विधिबाट सुरु हुँदै

महेन्द्रनगर

बिकास सिह महता

२०७९ बैशाख ०५ गते सोमबार

मंगलबार बाट कंचनपुरमा कृषिगणना प्रशनावली विधिबाट सुरु हुँदै

कञ्चनपुरमा कृषिगणना सुरु हुने भएको छ ।
जिल्ला तथ्याङ्ग कार्यालय मार्फत कृषिगणना कार्यालयले "कृषिगणनाको सार,कृषि योजनाको पुर्वाधार " भन्ने मुल
नाराका साथ राष्ट्रिय कृषिगणना २०७८ जिल्लामा बैशाख ६ देखि जेष्ठ १९ गते सम्म संचालन हुन लागेको हो।

प्रशनावली विधिबाट कृषि गणना गरिने तथ्याङ्क कार्यालय कञ्चनपुरका सूचना अधिकारी निरज ओझाले बताए ।
उनका अनुसार लगत १ सुचिकरण, लगत २ मुख्य प्रशनाली र लगत ३ सामुदायिक प्रशनावलीका माध्यमबाट कृषि गणना गरिने छ । छनौट विधिलाई आधार बनाएर कृषि गणना गरिने छ ।

कृषि गणनाका लागि कञ्चनपुरमा ७५ गणक, १९ सुवरिवेक्षक र १ अधिकृत जनशक्ति परिचालन हुने छ । ६ बैशाख ४५ दिन सम्म संचालन हुने कृषि गणना यस पटक पालिका स्तरको संरचना अनुरुप डाटा आउने अनुमान गरिएको छ । कृषिमा भईरहेको संरचनागत परिर्वतन के कस्तो भईरहेको छ ,जस्ता थुप्रै विषयमा तथ्याङ्क आउने अपेक्षा समेत गरिएको छ ।

कृषि गणनबारे आइतबार कार्यालयले सरोकारवाला पक्षसंग छलफल गरेको छ । तथ्याङ्क कार्यालय कञ्चनपुरका प्रमुख गोबिन्द न्यौपानेले २ सय १२ स्थान गणकका लागि छनौट गरिने बताए । उनका अनुसार घर परिवारले गरेको कृषि कार्य, सस्थाले गरेको र वडा कायर्उालयले संचालन गरेको कृषिको तथ्याङ्क अध्ययन गरिनेछ । कृषि क्षेत्रको एकिकृत विकासका लागि कृषि गणना महत्वपूर्ण हुने उनको भनाई छ ।

बि.स २०१८ देखि कृषिगणना गर्ने काम सुरु भएको थियो जसमा प्रत्येक १०/१० वर्ष कृषिगणना गरिदै आएको छ जुन अहिले ७ औं पटक हुनलागेको हो। २०७८ सालको कृषि गणनाको नेपालको इतिहासमा ६० वर्षको अवधी पूरा हुने छ।