नवीन जाेशी - यही वैशाख ३० गते हुने स्थानीय तहको निर्वाचनका लागि बैतडीको भारतसँग सीमा जोडिएको नाका आज रातिदेखि बन्द हुने भएको छ । भारतसँग जोडिएका सीमा नाका ७२ घण्टाका लागि बन्द गर्न लागिएको जिल्ला निर्वाचनलाई शान्तिपूर्ण रुपमा सम्पन्न गर्नका लागि वैशाख ३० गते सम्म सीमा नाका बन्द रहने जिल्ला प्रशासन कार्यालयका सूचना अधिकारी खगेन्द्र भारतीले बताउनुभयो । यही शुक्रबार हुने स्थानीय तहको निर्वाचनलाई स्वच्छ, निष्पक्ष, शान्तिपूर्ण र भयरहित बनाउनका लागि भन्दै आज राति १२ बजेदेखि वैशाख ३० गते राति १२ बजेसम्मका लागि सीमा नाका बन्द गरिने उहाँले बताउनुभयो । यसअघि खुला सीमाका कारण निर्वाचनको बेला सुरक्षा चुनौती बढ्न सक्ने भएकाले निर्वाचनअघि ७२ घण्टासम्म सीमा नाका बन्द गर्ने निर्णय भएको बताउनुभयो ।

तपाईंको विज्ञापन यहाँ राख्नुहोस्