आचारसंहिता उलंङ्गघनका घटना बढ्दै कृष्णपुरमा काग्रेस कार्यकर्ता २ लाख सहित पक्राउ ।

महेन्द्रनगर

२०७९ बैशाख २९ गते बिहिबार

कंचनपुर लगातार आचारसंहिता उलंङ्गघन का घटना बढ्दा छन । बेलाैरि, लालडाडिमा दलहरुका बिच बिवाद र झडप भएका थिए । कृष्णपुर नगरपालिका–९ राजघाटबाट प्रहरीले नेपाली कांग्रेसका कार्यकर्तालाई २ लाख बढी रकमसहित पक्राउ गरेको छ ।

बुधबार राति राजघाटका करन महरालाई २ लाख २२ हजार ६ सय ८० रुपैयाँसहित पक्राउ गरिएको जिल्ला प्रहरी कार्यालय कञ्चनपुरका प्रहरी नायव उपरीक्षक चत्रबहादुर शाहले बताए ।

‘राति चेकजाँचको क्रममा उनको साथमा पैसा भेटिएपछि पक्राउ गरेका हौं,’ उनले भने, ‘सोधपुछ तथा अनुसन्धान गरिरहेका छौं ।’

कांग्रेस कार्यकर्ता महराले पैसा बाडेर मतदाता प्रभावित गर्न खोजेको एमालेबाट वडा अध्यक्षका उम्मेदवार गणेशबहादुर ऐरले बताए ।

‘रातीको समयमा आएर महराले स्थानीयलाई पैसा बाडेपछि प्रहरीलाई खबर गरेका थियौं,’ उनले भने, ‘महराले प्रत्येक व्यक्तिलाई हजार रुपैयाँ बाडेको बुझिएको छ ।’ कृष्णपुर–९ मा कांग्रेसबाट कैलाश बलायर वडा अध्यक्षका उम्मेदवार छन् ।