स्वास्थ्य संस्था संचालनको इजाजत लिन तथा नविकरण गराउन स्वास्थ्य कार्यालयकाे सुचना ।

महेन्द्रनगर

२०८० साउन ०४ गते बिहिबार

स्वास्थ्य कार्यालय कंचनपुरले आवश्यक मापदण्डहरु पुरा गरेका स्वास्थ्य संस्थाहरुले २०८० श्रावण मसान्त भित्र संस्था संचालनको इजाजत लिन तथा नविकरण गराउन एक सुचना जारि गरेकाे छ ।

बुधबार एक सुचना निकाल्दै स्वास्थ्य कार्यालयले जनस्वास्थ्य सेवा नियमावली २०७७ को नियम १२ (२) र सुदूरपश्चिम प्रदेश जनस्वास्थ्य सेवा ऐन २०७६ को दफा ११ (१) अनुसार सुदूरपश्चिम प्रदेश सरकार (मन्त्रिपरिषद) मिति २०७७ । ०९ । १३ गतेको निर्णयानुसार बिशेषज्ञ क्लिनिक, डेन्टल क्लिनिक
,पोलिक्लिनिक,आँखा उपचार केन्द्र र २५ सैयाको अस्पताल स्वास्थ्य कार्यालयलाई ईजाजत तथा नविकरण सम्बन्धि अधिकार प्रत्यायोजन गरिएकोले कञ्चनपुर जिल्ला भित्र संचालनमा रहेका र स्थापना हुने निजी, गैर सरकारी तथा सहकारी स्वास्थ्य संस्थाहरुले स्वास्थ्य संस्था संचालन मापदण्ड २०७७ ( पहिलो संशोधन २०७८) र स्वास्थ्य संस्था स्थापना, संचालन तथा स्तरोन्नती मापदण्ड सम्बन्धि निर्देशिका २०७० ( दोस्रो संशोधन २०७३) बमोजिम आवश्यक मापदण्डहरु पुरा गरेका स्वास्थ्य संस्थाहरुलाई संस्था संचालनको इजाजत लिन तथा नविकरण गराउन भनिएकाे छ ।