राष्ट्रपति चुनाव अगाडि ऐन संसाेधन प्रस्ताव लग्ने: रमेश लेखक ।

काठमाडौं

२०७९ माघ ०५ गते बिहिबार

नेपाली कांग्रेसले राष्ट्रपति र उपराष्ट्रपतिको निर्वाचनसम्बन्धी संविधानको व्यवस्था र निर्वाचन ऐनबीच भिन्नता रहेकाले एकरुपताका लागि ऐन संशोधन गर्नुपर्ने बताएको छ ।

नेपाली कांग्रेस संसदीय दलका मुख्य सचेतक रमेश लेखकले संविधान र ऐनलाई एकरुपता दिन कांग्रेसले ऐन संशोधन गरेर एकरुपताका लागि प्रस्ताव लैजाने बताएका छन् ।

‘हाम्रो संविधानको व्यवस्था र राष्ट्रपति उपराष्ट्रपतिको निर्वाचन सम्बन्धी कानुन र ऐनबीच केही विरोधाभासको अवस्था छ’, नेता लेखकले भने, ‘कानुनले राष्ट्रपतिको निर्वाचन भएकै दिनदेखि कार्यकाल प्रारम्भ हुने भनेको छ ।’

नेता लखेकले ऐनले कार्यकाल समाप्त हुनुभन्दा एक महिना पहिले निर्वाचन गर्नुपर्छ भनेकाले त्यस्तो अवस्थामा ऐनअनुसार नै जाँदा प्रत्येक कार्यकालमा राष्ट्रपतिको कार्यकाल एकएक महिना घटेर जाने बताए ।

‘ऐन संशोधन गरेर संविधान र ऐनको भावनामा एकरुपता गर्दै मिलाएर जाऊ भन्ने हाम्रो प्रस्ताव रहन्छ’, नेता लेखकको भनाइ छ ।

#रमेश लेखक